Lokalne vijesti

10.08.2018

Tristi sedma fešta Pipica

Sedan don je pasalo ot tristi sedme fešti Pipica, ka je na tri angošta bila va Snašićah. Ot prvega leta, poli Željka va Snašićah, maneštra se sejno tako kuha va Đirandele, a dišenj na majeti hitaju Sandra i Elvira. Bilo je sakakoveh dišenji pero najlepci su oni keh preko deset let Viško pronteva. Soplo se je i kantalo, pero anke igralo. Hitalo se je s fjondon, nadevali obrci i peljali čerčoni. Na horti i moru se je igralo do kasno va noć. Po mojen dobili su si ki su prišli ot domi i sveta. Lepi moji Pulaštri, fala lepa da ste prišli va moj dvorić poli Snašić. Boh non do srećo i zdrovlje. Vidimo se drugo leto. Vaš Pipica.