Va kovarske škole još vajka se cuje domoća beseda

05.03.2015

Učenici i učiteljice mlađih razreda matične škole Osnovne škole "Ivo Lola Ribar" Labin ovu su školsku godinu posvetili projektu “Domoća beseda”. Jedna od aktivnosti u okviru projekta bilo je i druženje s labinskim publicistom Marijanom Milevojem i pjesnikinjom Robertom Razzi.

Druženje je proteklo u domoćoj besedi jer va “kovarske” škole još vajka se cuje domoća beseda. Danas, tretega morca 2015.,deca i maještri va mlajeh razredi su bila joko kuntenta jer so va naše matične škole bili đornalist i književnik šinjor Marijano Milevoj i poeta Roberta Razzi. Za pocatak smo njin prontali versi ke smo somi pisali i na “CA JE ČA” poslali , a vero za njih i nagrade dobili. Culi so anke jeno šćoricu ku smo prehitili po domoće.Valja neso zamerili ko smo kakovu besedu žbaljali.

Anke mi smo nešto novega navadili. Šinjor Marijano nan je špjego kako je bilo prvo dok su naši nonići bili mlodi. Se je bilo drugošlje, i zaik i škola i maještri, a i deca. Poeta Roberta nas je navadila cuda noveh besed. Vero sada znomo kako se i meseci po domoće zoveju i zoš so dobili jušto takovo ime. Dobro smo se i nasmejali (jer duron je vopila "Ola, ola finila je škola!"). Valja će bit još ovakoveh dnevi va naše škole.

{fcomment}